Тројца загинати при превртување на чамец во Ла Манш, близу францускиот брег

Три лица загинаа денес кога чамец при обид да го премине Ла Манш во Велика Британија се превртил кај францускиот брег, соопштија локалните власти, пренесува Анадолу.

Чамецот се превртил кај Висан во францускиот регион Па-де-Кале, соопшти префектурата, јави француската телевизија БФМТВ.

Властите соопштија дека сè уште ги проценуваат жртвите и предупредија дека нивниот број може да се смени. Се очекува префектурата да даде дополнителни детали на брифингот во текот на денот.