Иранскиот риал достигна рекордно ниско ниво во однос на американскиот долар

Националната валута на Иран падна на најниско ниво во историјата во однос на американскиот долар, додека земјата се соочува со огромна инфлација и строги економски санкции, јавува Анадолу.

Курсот за продажба на американскиот долар на слободниот пазар во Иран достигна рекордно ниво од 2,4 милиони риали, според податоците на pashizi.com, веб-страница што го следи слободниот девизен пазар во земјата.

Овој остар пад на вредноста на националната валута се случи во време кога Иран се соочува со тешки американски санкции и годишна стапка на инфлација што достигна 61,4 отсто.

Официјалните податоци покажаа дека земјата забележува пораст на цените на храната од 128,1 отсто на годишно ниво.