Li Adiyemanê kal û pîran hunera ebrûyê nas kir

Li Adiyemanê di çalakiya ku bi boneya 1ê Cotmehê Roja Kal û Pîran a Cîhanê ji bo kal û pîran hat lidarxistin da hunera ebrûyê hat nasandin.

Di çarçoveya bernameya ku bi pêşengiya Rêveberiya Parêzgehê ya Xizmetên Malbat û Civakî hat lidarxistin da 15 kal û pîran serdana gora Hz. Sefwan bin Muettelê Sehabe kirin û li kulliyeyê geriyan.

Di çalakiyê da ji aliyê fêrkara Hunera Ebrûyê Dilek Yelken Oztunç va çêkirina hunera ebrûyê ji kal û pîran ra hat ravekirin û bi awayekî pratîkî hate nîşandan.

Piştra kal û pîrên ku derbasî ser teknaya ebrûyê bûn, berhemên xwe amade kirin.

Cîgira Parêzgarê Adiyemanê Emine Karataş û Rêveberê Parêzgehê yê Xizmetên Malbat û Civakî Mesut Polat jî tevlî çalakiyê bûn.

Kal û pîrên ku tevlî xebata ebrûyê bûn, ji ber çalakiya ku ji bo wan hat lidarxistin spasiya rayedarên Rêveberiya Parêzgehê ya Xizmetên Malbat û Civakî kirin.